ಬೆಂಗಳೂರು: ರಾಜ್ಯದಲ್ಲಿ 200 ಯುನಿಟ್‌ ಫ್ರೀ ವಿದ್ಯುತ್‌ ನೀಡುವ ಕುರಿತು ಅನುಮೋದನೆ ದೊರೆತಿದೆ. ಈ ನಡುವೆ ರಾಜ್ಯದಲ್ಲಿ ವಿದ್ಯುತ್‌ ದರ ಹೆಚ್ಚಳದ ವಿರುದ್ಧ ಅನೇಕ ಆಕ್ರೋಶಗಳು ಕೇಳಿಬರುತ್ತಿದೆ. ಅಲ್ಲದೇ ಕರ್ನಾಟಕ ಬಂದ್‌ ಗೂ ಕೂಡ ಕರೆಕೊಡಲಾಗಿದೆ. ಇದೀಗ ಈ ಬಗ್ಗೆ ಸಿಎಂ ಸಿದ್ದರಾಮಯ್ಯ ಪ್ರತಿಕ್ರಿಯಿಸಿದ್ದು, ಯಾವುದೇ ಕಾರಣಕ್ಕೂ ವಿದ್ಯುತ್‌ ದರ ಕಡಿಮೆ ಆಗಲ್ಲ ಎಂದಿದ್ದಾರೆ.
ಬೆಂಗಳೂರಿನಲ್ಲಿ ಈ ಬಗ್ಗೆ ಮಾತನಾಡಿರುವ ಸಿಎಂ ಸಿದ್ದರಾಮಯ್ಯ, ಈ ಬಾರಿ 2 ತಿಂಗಳ ಬಿಲ್‌ ಒಟ್ಟಿಗೆ ಬಂದಿದೆ. ಹೀಗಾಗಿ ವಿದ್ಯುತ್‌ ದರ ಹೆಚ್ಚಾಗಿ ಬಂದಿದೆ. ಮುಂದಿನ ತಿಂಗಳಿನಿಂದ ವಿದ್ಯುತ್‌ ಬಿಲ್‌ ಸರಿಯಾಗಿ ಬರುತ್ತದೆ ಎಂದಿದ್ದಾರೆ. ಜೊತೆಗೆ ಕನಾಟಕ ಬಂದ್‌ ಗೆ ಕರೆಕೊಟ್ಟ ವಿಚಾರವಾಗಿ ಕರ್ನಾಟಕ ಚೇಂಬರ್‌ ಆಫ್‌ ಕಾಮರ್ಸ್ ಆಂಡ್‌ ಇಂಡಸ್ಟ್ರೀಸ್‌ ಬಳಿ ಚಚಿಸುವುದಾಗಿ ತಿಳಿಸಿದ್ದಾರೆ.
