ಬೆಂಗಳೂರು: ಬೆಂಗಳೂರಿನ ಆಕಾಶದಲ್ಲೀಗ ವಾಯುಸೇನೆಯ ಯುದ್ದವಿಮಾನಗಳ ಹಾರಾಟದ ಘರ್ಜನೆ ಕೇಳಿಸುವ ಜೊತೆಗೆ ಬಾನಾಡಿಗಳ ಕಸರತ್ತು ಜನಮನಸೂರೆಗೊಳ್ಳುತ್ತಿದೆ. ಅಮೇರಿಕಾ, ರಷ್ಯಾ ಹಾಗೂ ಭಾರತದ ವಾಯುಸೇನೆಯ ಯುದ್ದವಿಮಾನಗಳು ಯಲಹಂಕದ ವಾಯುನೆಲೆಯಲ್ಲಿ ಪೂರ್ವಾಭ್ಯಾಸಲ್ಲಿ ತೊಡಗಿವೆ.
ಬಹು ನಿರೀಕ್ಷಿತ ಏರೋ ಇಂಡಿಯಾ ಶೋ 2025, (Aero India Show) ಫೆಬ್ರವರಿ 10 ರಿಂದ ಫೆಬ್ರವರಿ 14 ರವರೆಗೆ ನಡೆಯಲಿದೆ. ರೋಮಾಂಚಕ ವೈಮಾನಿಕ ಕವಾಯತುಗಳನ್ನು ವೀಕ್ಷಿಸಲು ಸಾವಿರಾರು ವಾಯುಯಾನ ಉತ್ಸಾಹಿಗಳು ನಗರಕ್ಕೆ ಆಗಮಿಸಿದ್ದು, ಬೆಂಗಳೂರು ನಗರ ಉತ್ಸಾಹದಿಂದ ಶೋಗಾಗಿ ಕಾಯುತ್ತಿದೆ.
ಪ್ರದರ್ಶನಕ್ಕೆ ಹಾಜರಾಗಲು, ಸಂದರ್ಶಕರು ಅಧಿಕೃತ ಏರೋ ಇಂಡಿಯಾ ವೆಬ್‌ಸೈಟ್‌ನಲ್ಲಿ “ಸಂದರ್ಶಕರ ನೋಂದಣಿ” ವಿಭಾಗವನ್ನು ಆಯ್ಕೆ ಮಾಡುವ ಮೂಲಕ ನೋಂದಾಯಿಸಿಕೊಳ್ಳಬೇಕು. ಭಾರತೀಯ ಪ್ರಜೆಗಳಿಗೆ ₹5,000 ಮತ್ತು ವಿದೇಶಿಯರಿಗೆ $150 ಬೆಲೆಯ ಬಿಸಿನೆಸ್ ಪಾಸ್, ಪ್ರದರ್ಶನಕ್ಕೆ ಪ್ರವೇಶ, ADVA ಮತ್ತು ಕಾರ್ ಪಾರ್ಕಿಂಗ್ ಪಾಸ್ ಒದಗಿಸುತ್ತದೆ.
ಜನರಲ್ ವಿಸಿಟರ್ ಪಾಸ್, ₹2,500 (ಭಾರತೀಯರು)ಕ್ಕೆ ಮತ್ತು $50 (ವಿದೇಶಿಯರು)ಗೆ ಲಭ್ಯವಿದ್ದು, ಪ್ರದರ್ಶನ ಮತ್ತು ADVA ಎರಡಕ್ಕೂ ಪ್ರವೇಶವನ್ನು ಅನುಮತಿಸುತ್ತದೆ.
ADVA ಪಾಸ್, ₹1,000 (ಭಾರತೀಯರು) ಮತ್ತು $50 (ವಿದೇಶಿಯರು) ಬೆಲೆಯ ಏರ್ ಡಿಸ್ಪ್ಲೇ ವೀಕ್ಷಣಾ ಪ್ರದೇಶಕ್ಕೆ ವಿಶೇಷ ಪ್ರವೇಶವನ್ನು ಒದಗಿಸುತ್ತದೆ.
ಸಾರ್ವಜನಿಕ ಅನುಕೂಲಕ್ಕಾಗಿ ಟ್ರಾಫಿಕ್ ವ್ಯವಸ್ಥೆಯಲ್ಲಿ ಬದಲಾವಣೆಗಳನ್ನು ಕೈಗೊಳ್ಳಲಾಗಿದೆ.
